మట్టి సాక్షిగా.. ఇది సినిమా కాదు, మన ఆత్మగౌరవం! మన దేశభక్తి!
మట్టి సాక్షిగా.. ఇది సినిమా కాదు, మన ఆత్మగౌరవం! మన దేశభక్తి!
గ్లోబల్ స్టార్ రామ్చరణ్ తాజా చిత్రం ‘పెద్ది’ గురించిన చర్చలు చూస్తుంటే, దీన్ని కేవలం ఒక ప్రాంతీయ కథగానో, లేదా విజయనగరం జిల్లా కొండ కింద పల్లెటూరి నేపథ్యంలో సాగే ఒక సాధారణ సినిమాగానో కొట్టిపారేసే ప్రయత్నం కొందరు చేస్తుండటం విచారకరం. కానీ, నిశితంగా గమనిస్తే.. ఇది సినిమా కాదు, మన మట్టి సాక్షిగా సాగుతున్న మన ఆత్మగౌరవ నినాదం! మన దేశభక్తికి నిదర్శనం!
ప్రపంచ దేశాల చలనచిత్ర వేదికలపై మన తెలుగు సినిమా జెండా ఎగురుతున్న వేళ, అంతర్జాతీయంగా తెలుగువారి ఖ్యాతి సగర్వంగా నిలుస్తున్న తరుణంలో.. మనం కేవలం వినోదం వైపే చూస్తున్నామా? లేక ఆ వినోదం వెనుక ఉన్న మన అస్తిత్వాన్ని గుర్తిస్తున్నామా? అనే ప్రశ్న ప్రతి ఒక్కరినీ వేధించాల్సిన సమయం వచ్చింది.
విమర్శలను మౌనంతో జయించిన ప్రస్థానం
ఒక మనిషిగా, ఒక నటుడిగా రామ్చరణ్ సాధించిన విజయ ప్రస్థానమే నేటి యువతకు ఒక అద్భుతమైన పాఠం.
ఇండస్ట్రీలోకి అడుగుపెట్టిన కొత్తలో ఈ సమాజం, విమర్శకులు ఎంత మాట అన్నారో మనకు తెలుసు. "ముఖంలో హావభావాలు లేవు", "నటన రాదు", "కేవలం వారసత్వంతోనే బతికేస్తున్నాడు" అంటూ తీవ్రంగా గాయపరిచారు.
కానీ ఆ నటుడు ఎక్కడా తొందరపడి మైకులు పట్టుకుని మాట్లాడలేదు. ఆ అవమానాలన్నింటినీ లోపలే దాచుకుని, నిశ్శబ్దంగా కష్టపడ్డాడు. 'రంగస్థలం'లో చిట్టిబాబుగా నటుడిగా పునర్జన్మ ఎత్తి విమర్శకుల నోళ్లు మూయించాడు. 'ఆర్ఆర్ఆర్'తో హాలీవుడ్ దర్శకులే "చరణ్ కళ్లు మాట్లాడతాయి" అని కొనియాడేలా చేసి, ఆస్కార్ వేదికపై భారతదేశ జెండాను ఎగరేసాడు. అంతటి గ్లోబల్ స్టార్, తన కమర్షియల్ ఇమేజ్ను పక్కనబెట్టి.. ఒక అనామక పల్లెటూరి కథను ఎంచుకున్నాడంటే, దానికి కారణం ఏంటో తెలుసా? మన దేశంలోని వేలాది పల్లెటూళ్ల ఆత్మగౌరవం!
దేశపటంలో ఊరి పేరు - మన ఉనికి
పట్టణాల్లో, ఏసీ రూముల్లో కూర్చుని కార్పొరేట్ ప్రపంచంలో మునిగితేలే వారికి కొండల నడుమ బతికే ఆ గ్రామీణ మనుషుల ఆవేదన, వారి అస్తిత్వ పోరాటం అర్థం కాకపోవచ్చు.
ఈ చిత్రంలో ఒక అద్భుతమైన డైలాగ్ ఉంటుంది:
"*దేశపటంలో నీ ఊరి పేరు లేనప్పుడు, నీ పాస్పోర్ట్లో ఎంత గొప్ప ముద్ర ఉన్నా నీ ఆత్మగౌరవం సగం చచ్చిపోయినట్లే!"*
ఒక మనిషికి పేరు ఎంత ముఖ్యమో.. ఒక ఊరికి గుర్తింపు అంత ముఖ్యం. గుర్తింపు లేని ఊరు, ఆత్మగౌరవం లేని బతుకు.. రెండూ ఒక్కటే! సమస్యలు వచ్చినప్పుడు ఆవేశపడి రోడ్లెక్కి రచ్చ చేయడం కాదు, నిశ్శబ్దంగా, వ్యూహాత్మకంగా అడుగులు వేసి మన ఉనికిని చాటాలని ఈ మట్టి కథ మనకు బోధిస్తుంది.
ఇదా మన దేశభక్తి?
కన్నతల్లి లాంటి దేశాన్ని, పుట్టిన మట్టిని, మన మూలాలను గౌరవించడం చేతకానివాడికి దేశభక్తి అనే పదానికి అర్థం చెప్పే అర్హతే లేదు. ప్రపంచవ్యాప్తంగా మనం ఎంతగా స్థిరపడినా, మన చేతుల్లో ఏ దేశాల గ్లోబల్ పాస్పోర్టులు ఉన్నా.. మన కన్నభూమి ఉనికిని, మన పల్లెటూళ్ల ఆత్మగౌరవాన్ని గుర్తించలేకపోతే ఆ బతుకుకు పరిపూర్ణత ఎక్కడిది? ఈ సినిమా చూస్తున్నప్పుడు మన కళ్లు చెమర్చలేదంటే, మన మూలాలు దెబ్బతింటున్నాయనే బాధ మనలో కలగలేదంటే.. మన నరాల్లో ప్రవహిస్తుంది నిజమైన భారతీయుడి రక్తం కాదేమో అని ఆత్మపరిశీలన చేసుకోవాలి. ఇది కేవలం మూడు గంటల వినోదం ఇచ్చే రంగుల ప్రపంచం కాదు.. మన అస్తిత్వ పోరాటం! దీన్ని గుర్తించలేనివాడు, ఓర్వలేనివాడు ఈ దేశపు మట్టికి ద్రోహం చేసినట్లే.
ముగింపు
'పెద్ది' అనేది ఒక సినిమా మాత్రమే కాదు, అది మన దేశభక్తికి అద్దం పట్టే ఒక నినాదం. అవమానాలను భరించి గ్లోబల్ స్టార్గా ఎదిగిన చరణ్ ప్రస్థానం నేటి యువతకు స్ఫూర్తి అయితే.. ఊరి ఉనికి కోసం సాగే పోరాటం మన దేశ మూలాల రక్షణకు పునాది! ప్రపంచ వేదికపై తెలుగువారి ఆత్మగౌరవాన్ని, సంస్కృతిని సగర్వంగా చాటిచెప్పే ఇటువంటి అస్తిత్వ చేతనను ప్రేమించలేనివాడు, తన సొంత దేశాన్ని ప్రేమించలేడు! మన మట్టిని, మన మూలాలను గౌరవించడం ప్రతి ఒక్కరి బాధ్యత.
Dr.Rambabu Ankam.
Comments
Post a Comment