పిల్లలతో కలిసి ఆనందించడానికి 25 వేసవి సరదా కార్యకలాపాలు

పిల్లలతో కలిసి ఆనందించడానికి 25 వేసవి సరదా కార్యకలాపాలు

వేసవి సెలవులు వస్తున్నాయంటే పిల్లలు ఎక్కడ బోర్ ఫీల్ అవుతారో, అలాగే ఖర్చులు పెరిగిపోతాయో అని తల్లిదండ్రులు ఆందోళన చెందుతుంటారు. కానీ, రూపాయి ఖర్చు లేకుండా పిల్లల కమ్యూనికేషన్ స్కిల్స్, ఆలోచనా శక్తిని పెంచే 25 ఉచిత కార్యకలాపాలు ఇక్కడ ఉన్నాయి:

బయట చేయదగిన పనులు (Outdoor Activities):

1 కొత్త బంతి ఆట ఆడటం: ఎండ బాగున్నప్పుడు పిల్లలతో కలిసి బయటకు వెళ్లి బంతి ఆటలు ఆడండి. ఇది వారి శారీరక శ్రమకు, కొత్త పదాలు నేర్చుకోవడానికి సహాయపడుతుంది.

2 రాళ్లను వెతకడం: పార్క్ లేదా గార్డెన్‌లో విభిన్న ఆకారాలు, పరిమాణాల్లో ఉండే రాళ్లను, గులకరాళ్లను వెతికి వాటి గురించి పిల్లలతో మాట్లాడండి. (గమనిక: ప్రభుత్వ ప్రదేశాల నుండి వాటిని ఇంటికి తీసుకురాకూడదు).

3 తొక్కుడుబిళ్ళ (Hopscotch): నేలపై చాక్‌పీస్‌తో గడులు గీసి, రాయి వేసి ఆడే ఈ ఆట పిల్లల్లో నియమాలను పాటించడం, ఒకరి తర్వాత ఒకరు ఆడటం వంటి అలవాట్లను పెంచుతుంది.

4 ఆటంకాల రేసు (Obstacle Course): ఇంట్లో లేదా గార్డెన్‌లో దిండ్లు, కుర్చీలతో ఒక చిన్న అడ్డంకుల దారిని నిర్మించి, పిల్లలను దాన్ని దాటమనండి. ఇది వారి సమస్యలను పరిష్కరించే సామర్థ్యాన్ని పెంచుతుంది.

5 ఫోనిక్స్ ట్రెజర్ హంట్: ఒక వస్తువును చూపించి దాని పేరు చెప్పమనండి. ఆ తర్వాత అదే శబ్దంతో (Phonics) మొదలయ్యే మరో వస్తువును ఇంట్లో లేదా బయట వెతకమనండి.

6 మేఘాలను గమనించడం: పచ్చికపై పడుకుని ఆకాశంలోని మేఘాలను చూస్తూ, అవి ఏ ఆకారంలో ఉన్నాయో (ఉదాహరణకు ఏనుగు, పక్షి లాగా) ఊహించి చెప్పమనండి. ఇది వారి ఊహాశక్తిని పెంచుతుంది.

7 చిన్న తోటను తయారు చేయడం: రాలిన ఆకులు, పువ్వులు, చిన్న కొమ్మలను సేకరించి ఒక పేపర్ ప్లేట్‌పై పెట్టి చిన్న తోటలా అలంకరించమనండి.

8 వర్షంలో డ్యాన్స్: వేసవి జల్లులు పడినప్పుడు గొడుగులు వేసుకుని బయటకు వచ్చి, నచ్చిన పాటలు పాడుతూ డాన్స్ చేయండి.

9 సైకిల్ తొక్కడం నేర్పించడం: 3 ఏళ్లు పైబడిన పిల్లలకు సైకిల్ నేర్పించడానికి ఇది మంచి సమయం. దీనివల్ల వారిలో ఆత్మవిశ్వాసం పెరుగుతుంది.

కుటుంబంతో కలిసి ఉచితంగా చేయదగినవి:

1 స్థానిక లైబ్రరీని సందర్శించడం: లైబ్రరీల్లో కేవలం పుస్తకాలే కాకుండా పిల్లల ఆటల సెషన్లు, కథలు చెప్పే కార్యక్రమాలు ఉచితంగా జరుగుతుంటాయి.

2 సాక్స్ పప్పెట్ థియేటర్: పాత సాక్స్‌లను చేతులకు తొడిగి, బొమ్మల్లా మారుస్తూ వింత శబ్దాలతో పిల్లలకు కథలు చెప్పి నవ్వించండి.

3 ఫ్యామిలీ స్లీప్‌ఓవర్ (ఇంట్లోనే క్యాంపింగ్): బెడ్‌రూమ్ కాకుండా హాల్‌లో లేదా గార్డెన్‌లో టెంట్ వేసి అందరూ కలిసి పడుకోండి. పడుకునే ముందు చిన్న ఆటలు ఆడండి.

4 ఫ్యామిలీ ఫోటోషూట్: పిల్లలను రకరకాల బట్టలు లేదా కాస్ట్యూమ్స్ వేసుకోమని ఫోటోలు తీయండి. వాటితో ఒక ఆల్బమ్ తయారు చేయండి.

5 టెడ్డీ బేర్ పిక్నిక్: పిల్లల బొమ్మలను ఒకచోట కూర్చోబెట్టి, వాటికి కూడా స్నాక్స్ పెడుతున్నట్లు నటిస్తూ (Role-play) పిక్నిక్ లాగా సరదాగా గడపండి.

6 సూపర్‌మార్కెట్ పర్యటన: కూరగాయలు, పండ్లు కొనడానికి సూపర్ మార్కెట్ వెళ్లినప్పుడు వాటి రంగులు, పేర్ల గురించి పిల్లలతో మాట్లాడండి. ఇది మంచి లెర్నింగ్ ఎక్స్‌పీరియన్స్.

ఇంట్లోనే చేయదగిన సరదా పనులు:

1 ఐస్ లాలీలు చేయడం: ఇంట్లోనే అరటిపండు, స్ట్రాబెర్రీ లేదా పండ్ల రసాలతో ఐస్ క్రీములు లేదా ఐస్ లాలీలు తయారు చేయండి.

2 ప్లాస్టిక్ బాటిల్ బౌలింగ్: ఖాళీ ప్లాస్టిక్ బాటిళ్లను లేదా పేపర్ రోల్స్‌ను ఒక వరుసలో పెట్టి, బంతితో వాటిని పడేసే బౌలింగ్ ఆట ఆడండి.

3 సొంతంగా బొమ్మల తయారీ: గుడ్డు పెట్టెలు (Egg cartons), కార్డ్‌బోర్డ్ బాక్సులతో సొంతంగా చిన్న చిన్న ఇళ్లు లేదా కార్ల బొమ్మలు తయారు చేయండి.

4 జిగ్సా పజిల్ చేయడం: పాత మ్యాగజైన్ లేదా పేపర్ చిత్రాలను చిన్న ముక్కలుగా కట్ చేసి, వాటిని మళ్లీ సరిగ్గా అమర్చమని పిల్లలకి ఇవ్వండి.

5 సంగీత వాయిద్యాల తయారీ: ఖాళీ పెరుగు కప్పులు లేదా డబ్బాల్లో కొన్ని గింజలు వేసి మూత పెట్టి 'మరాకాస్' (చిరుతలు) లాంటి సౌండ్ బాక్స్ తయారు చేయండి.

6 పేపర్ విమానాలు: రంగు రంగుల కాగితాలతో విమానాలు చేసి ఇంట్లో లేదా బయట ఎగరేయండి. చిన్న పిల్లలైతే కాగితాలను చింపే ఆట ఆడించవచ్చు.

7 బేకింగ్ లేదా వంట: పిల్లలతో కలిసి చిన్న చిన్న వంటలు లేదా బేకింగ్ (కేక్, బిస్కెట్లు) చేయండి. ఇది వారికి కొత్త రుచులను అలవాటు చేస్తుంది.

8 హోమ్‌మేడ్ ప్లేడో (Playdough): ఇంట్లో ఉండే మైదాపిండి, నీళ్లు, కొద్దిగా ఫుడ్ కలర్ కలిపి ఆట ఆడుకునే 'ప్లేడో' క్లే తయారు చేయండి. దీనితో బొమ్మలు చేయడం వల్ల వారి వేళ్లకు మంచి వ్యాయామం లభిస్తుంది.

9 ఇండోర్ కోట (Fort): దిండ్లు, బెడ్‌షీట్లతో మంచం కింద లేదా సోఫా పక్కన ఒక చిన్న గుహ లేదా కోట లాంటిది నిర్మించి అందులో దాగుడుమూతలు ఆడండి.

10 సమ్మర్ స్క్రాప్‌బుక్: ఈ వేసవిలో మీరు చేసిన పనులు, తిరిగిన ప్రదేశాల ఫోటోలు లేదా జ్ఞాపకాలను ఒక పుస్తకంలో (Scrapbook) భద్రపరచండి. పెద్ద పిల్లలైతే రోజువారీ డైరీ రాయమనండి.

ముగింపు చిట్కా: ఈ 25 పనులను చిన్న కాగితం ముక్కలపై రాసి ఒక జార్ (జాడీ)లో పెట్టండి. పిల్లలకి ఎప్పుడు బోర్ కొట్టినా అందులో నుండి ఒక చీటీ తీసి, అందులో వచ్చిన పనిని అందరూ కలిసి సరదాగా పూర్తి చేయండి!

Dr.Rambabu Ankam.