ఒక అధ్యాపకుని ఆవేదన

ఒక అధ్యాపకుని ఆవేదన ...

ఈ రోజు .. ఒక దేశం . 

వారం తిరిగే లోపు..  ఇంకో దేశం . 

లగ్జరీ  హోటల్స్ లో బస .

కోరిన తిండి .. ఇంకా ఇతరత్రా !

చేతిలో డబ్బుంది .. అక్కడ అందుబాటులో ఉన్న  అమ్మాయిలతో జల్సా !

ఫుల్ సంపాదన .

దీనికి తోడు లక్షలాది మంది  ఫాలోవర్లు   . పేరు ప్రఖ్యాతులు .

బ్యాంకు లో అయిదు కోట్లు .

ఇలాంటి జీవితాన్ని చూస్తే మీకేమనిపిస్తుంది ?

"లైఫ్ అంటే  ఇలా ఉండాలి.. మనదీ ఒక బతుకేనా ?

ఉద్యోగం / వ్యాపారం .. ఇల్లు ... ఎప్పుడూ గానుగెద్దు బతుకు "  అనుకుంటున్నారా ?

కంటికి కనిపించేదంతా నిజం కాదు .

ఇంకో కోణం చూద్దాము రండి !

1 .  క్రానిక్ స్ట్రెస్  .

 ఉద్యోగం / వ్యాపారం వేరు . వాటిలో కూడా సమస్యలు ఉన్న మాట వాస్తవం . 

కానీ సోషల్ మీడియా ఇన్ఫ్లుయెన్సుర్ / యూ ట్యూబర్  ల జీవితాలు వేరు . వీక్షకుల టేస్ట్ నిరంతరం మారుతూ ఉంటాయి . ఎప్పటికప్పుడు న్యూ కంటెంట్ జెనెరేట్  చెయ్యాలి . జనాలకు బోర్ కొట్టకూడదు . ఐడియాస్ అయిపోతాయి . చూసి చూసి జనాలకు మొఖం మొత్తేస్తుంది .

 "ఎప్పుడూ  ఇదే సోదిరా" అనుకొంటే వ్యూస్ తగ్గిపోతాయి . ఫేడ్ అవుట్ అయిపోవడం ఖాయం . కొత్త వీడియో లు ఎలా తయారు చెయ్యాలా అనేది నిరంతరం స్ట్రెస్ ను కలుగచేస్తుంది.

జీవితానికి గ్యారెంటీ ఉండదు .   

 ఎవరీ డే  స్ట్రెస్ . 

ఒక్క మాటలో చెప్పాలంటే పులి పై స్వారీ . 

2 .సిరికార్డియం రిధం డిసార్డర్ . 

 మన దేహానికి ఒక బయలాజికల్ క్లోక్ ఉంటుంది .

  వాతావరణం ..  టైమింగ్స్ కు బాడీ అలవాటు పడిపోతుంది . ఎప్పుడో ఆరునెలలకు ఒక ట్రావెల్ .. కొత్త ప్రదేశం .. డిఫరెంట్ టైమింగ్స్ .. బాడీ  అడ్జస్ట్ అవుతుంది .    పైగా రొటీన్ కి బిన్నంగా థ్రిల్లింగ్ గా కూడా ఉంటుంది . 

ఆలా కాకుండా సంవత్సరాల తరబడి ట్రావెల్ చేస్తూ ఉంటే ?

 ప్రతి వారం జెట్ లాగ్ సమస్య ఎదురైతే ?

కొత్త టైం జోన్ , కొత్త వాతావరణం .. కొత్త సంస్కృతి .. 

బాడీ అడ్జస్ట్  కాదు . నిద్ర సరిగా పట్టదు . మూడ్ డిస్టర్బ్ అవుతుంది . 

3 .డోపమైన్ హై . 

 ఎండలో చాల సేపు తిరిగాక నీళ్లు తాగితే దానికి ఎంత రుచో . బాగా ఆకలిగా వున్నప్పుడు అన్నం ఎంత కమ్మగా ఉంటుందో . జీవితం లో వెలుతురు  చీకటి ..  రాత్రి  పగలు .. ఇది ప్రకృతి నియమం .

 చేతిలో డబ్బుంది కదా అని ప్రతి రోజూ స్టార్ హోటల్స్ .. లగ్జరీ .. ఫుడ్ .. బెడ్ .. 

ఏమవుతుంది ?

 దీన్నే సైన్స్ డోపామైన్ హై అంటుంది .

 లగ్జరీ సుఖాన్ని  ఇవ్వదు .

 అందరికీ అర్థం అయ్యేలా చెబుతాను . 

బాగున్నాయి కదా అని రోజుకు మూడు చొప్పున ప్రతి రోజూ లడ్లు తింటే ? నెల తిరిగాక లడ్డు వాసన చూస్తేనే వాంతి  కమింగ్ ! 

4 .  సామాజిక ఏకాంతవాసం ! 

 ప్రతి మనిషికీ కుటుంబం కావాలి . తల్లితండ్రి .. భార్య / భర్త .. పిలల్లు .. ఏళ్ళ తరబడి కుటుంబానికి దూరంగా ఉంటే ? హోటల్స్ లో ఉన్నా .. అక్కడ డబ్బు ద్వారా దొరికే సావాసాలు ఉన్నా .. ఒంటరి తనం .. స్ట్రెస్ .

క్రానిక్ స్ట్రెస్ .. సిరికార్డియన్ రిధం డిసార్డర్ .. డోపమైన్ హై .. సబ్స్టేన్స్  అబ్యూస్ .. సోషల్  ఐసోలేషన్ .. ఇవన్నీ కలిస్తే ?

బైపోలార్ డిజార్డర్ !

ఇదొక మానసిక వ్యాధి .

దీని లక్షణాలు . 

1 . మూడ్ స్వింగ్స్ .

 కాసేపు ఉత్సాహం .. ఎవరెస్ట్ శిఖరం ఎక్కినంత ఆనందం .. కాసేపట్లో లో ఎనర్జీ .. సాడ్నెస్ .. 

2 . నోటికి ఏమి వస్తే అది మాట్లాడడం .. ఇంగిత జ్ఞానం మరిచి ప్రవర్తించడం ..

3 . విచక్షణ చచ్చి .. పిచ్చి పిచ్చి ఆలోచనలు .. అవతలి వారిని తిట్టడం .. బూతులు .. శాపనార్థాలు .

4 . వారించే కొద్దీ మరింత రెచ్చిపోయి ప్రవర్తించడం .

ఈ పోస్ట్ లో నేను ఎవరి గురించి చెబుతున్నానో ఇప్పటికే మీకు అర్థం అయిపోయివుంటుంది .

పిచ్చుక పై బ్రహ్మస్రం వేసేవాడిని కాను .

 ఒక పక్క మానసిక రోగం ముదిరి .. మరో పక్క కేసుల్లో చిక్కి చిప్పకూడు తింటూ యూట్యూబ్ ఆదాయం నిల్ అయిపోయి జీవితం శిధిలం కాబోతున్న వ్యక్తి పై పోస్ట్ పెట్టి టైం వేస్ట్ చేసుకొనే స్థాయి కాదు నాది . 

చేసుకొన్నవాడికి చేసుకున్నంత .

ఒక టీచర్ గా నిజజీవిత ఉదాహరణలు తీసుకొని పాఠాలు  చెప్పడం నాకు అలవాటు . 

ఈ పోస్ట్ మీ కోసం .

 ముఖ్యం గా రీల్స్ .. యూట్యూబర్ .. social  మీడియా ఇన్ఫ్లుయెన్సుర్ .. లాంటి వాటి వైపు ఆకర్షితులు అవుతున్న యువత కోసం .

1 . ఇవి తాటాకు మంటలు . జీవితాంతం నిలిచే కెరీర్ లు కావు . జీవితం లో స్థిరపడ్డాక మీలో క్రియేటివిటీ ఉంటే జస్ట్ ఒక హాబీ గా ఇలాంటివి చెయ్యొచ్చు . అంతే కానీ చదువుకొనే వయసులో ఇలాంటి వాటికోసం అర్రులుచాచితే బతుకు బస్టాండ్   . 

2 . పేరుప్రఖ్యాతులు వెన్నెల కాంతులు . ఎస్ ... కాసేపు . ఎంజాయ్ చెయ్యొచ్చు . 

కానీ వెన్నెల కాంతిని తినలేము .. తాగలేము . 

3. పేరు ప్రఖ్యాతులు రెండు వైపులా పదునున్న కత్తులు . ఒక దశలో మంచి పేరు వచ్చి అటు పై జీవితం నిస్తేజంగా మరి పొతే ? మానసిక కుంగుబాటు వస్తుంది . సిల్క్ స్మిత . ఫటాఫట్ జయలక్ష్మి ... సుశాంత సింగ్ రాథోడ్ .. ప్రత్యూష బెనర్జీ , జియా ఖాన్ .. ఇంకా పదుల కొద్దీ సెలబ్రిటీస్ .. ఎందుకు ఆత్మ హత్య చేసుకొన్నారు ? ఇరవై ముప్పై ఏళ్ళ క్రితం .. వెలుగు వెలిగి ఇప్పుడు దయనీయ జీవితాన్ని అనుభవిస్తున్న తెలుగు హిందీ తమిళ్ హీరో లు హీరోయిన్ లు ఎంత మంది ?

బతకడం ఒక కళ .

1 పనిని ప్రేమించండి . పనే ఆరోగ్యాన్ని ఆనందాన్ని  ఐశ్వర్యాన్ని ఇస్తుంది . హార్డ్ వర్క్ .. అంతకు మించి స్మార్ట్ వర్క్ అవసరం .

2 . కుటుంబాన్ని ప్రేమించండి . కుటుంబ సభ్యులతో బంధువులతో స్నేహితుల తో    కాలం గడపండి .

3 . ఇంట్లో వంట . వంట గది మూతబడితే ఆ కుటుంబం నాశనం అయిపోతుంది . మగ పిల్లలకు కూడా వంట నేర్పించండి .

4 . మొబైల్ సాధనాలను కేవలం ప్రొఫషనల్ అవసరాల కోసం వాడండి .

5 . తమ సొంత లాభం కోసం వివాదాలను సృష్టించే సోషల్  మీడియా జలగల పట్ల జాగ్రత్త . ఆ    సుడిగుండం  లోకి దూకొద్దు . 

గుర్తు పెట్టుకోండి . సోషల్  మీడియా కేటు  మనుషులు మైరావణులు . ఒక తలనరికితే పది తలలు పుట్టుకొచ్చి నట్టు .. మీరు తిడుతూ కామెంట్ పెట్టినా అది  వారికి  మరింత పబ్లిసిటీ తెస్తుంది . సరిగ్గా     వారికి  కావాల్సింది కూడా ఇదే .   అలాంటి   కంటెంట్ ను బ్లాక్ చెయ్యండి . హ్యాపీ గా  కాలం   గడపండి . పాజిటివ్ కంటెంట్ చూడండి . మంచి వినోదాన్ని ఆస్వాదించండి .